Gənclər Fondunun beş illiyinə həsr olunan tədbir keçirildi - FOTOLAR

22 Dekabr 2016, 17:26
AAA

 

Dekabrın 22-də Azərbaycan Respublikasının Prezidenti yanında Gənclər Fondunun fəaliyyətə başlamasının beş illiyinə həsr olunan tədbir keçirilib.

AZXEBER.COM AZERTAC-a istinadən xəbər verir ki, tədbirdə Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov, gənclər və idman naziri Azad Rəhimov, Milli Məclisin deputatları, gənclər təşkilatlarının rəhbərləri, ictimaiyyətin nümayəndələri iştirak ediblər.

Gənclər Fondunun icraçı direktoru Fərhad Hacıyev çıxış edərək xalqımızın ümummilli lideri Heydər Əliyev tərəfindən əsası qoyulan və bu gün Prezident İlham Əliyevin uğurla həyata keçirdiyi gənclər siyasəti nəticəsində əldə olunan uğurlardan danışıb.

Fondun fəaliyyəti barədə məlumat verən F.Hacıyev qeyd edib ki, Azərbaycan Prezidenti İlham Əliyevin 2011-ci il 19 dekabr tarixli Fərmanı ilə yaradılan qurum dövlət gənclər siyasətinin həyata keçirilməsinə mühüm töhfə verir. Beş il ərzində Fonda 7098 layihə daxil olub. Onlardan 3341-i Fond tərəfindən dəstəklənib. Dəstəklənən layihələrin 963-ü yerli, 94-ü beynəlxalq, 2284-ü fiziki şəxslər tərəfindən həyata keçirilən layihələrdir.

Bildirilib ki, Azərbaycanda təşkil olunan nüfuzlu beynəlxalq tədbirlər Gənclər Fondunun elan etdiyi prioritet istiqamətlərdə əksini tapıb. Bu mühüm tədbirlərə "Eurovision” mahnı müsabiqəsi, "Bakı-2015” birinci Avropa Oyunları və "Bakı-2017” IV İslam Həmrəyliyi Oyunlarının təbliğinə ictimai dəstək kampaniyası və s. daxildir. Bundan əlavə, beş il ərzində Gənclər Fondu tərəfindən beynəlxalq tədbirlərdə iştirak qrantları çərçivəsində 269 gənc xaricə səfər edib.

Gənclər və idman naziri Azad Rəhimov ümummilli lider Heydər Əliyevin hakimiyyətə qayıdışından sonra Azərbaycanda gənclər siyasətinin yeni istiqamətlərinin müəyyən olunduğunu, qısa müddətdə bu sahədə mükəmməl qanunvericilik bazasının formalaşdırıldığını qeyd edib. Nazir deyib ki, Azərbaycanın gənclər siyasəti dünyada nümunə təşkil edir. Bu siyasət BMT və digər beynəlxalq təşkilatlar tərəfindən model kimi qəbul olunur. Ötən dövrdə ölkəmizdə bir çox beynəlxalq forumlar və konfranslar keçirilib, Azərbaycan gəncliyi ilə bağlı Dövlət Proqramı imzalanıb və böyük uğurla reallaşdırılıb.

Prezident İlham Əliyev tərəfindən gənclər mükafatının təsis olunduğunu bildirən Azad Rəhimov deyib: "Bu, gənclərə olan dövlət qayğısıdır. Gənclərimiz həmişə ölkəmizi beynəlxalq arenada uğurla təmsil edir və kreativ fikirləri ilə seçilirlər. Gənclərimizin inkişafında Fondun xidmətləri əvəzsizdir. Fond gənclər təşkilatlarına və fəal gənclərə öz ideyalarını reallaşdırmaqda yaxından kömək edir. Fəaliyyət göstərdiyi qısa müddət ərzində Fond böyük uğurlara imza atıb”.

Azərbaycan Prezidentinin ictimai-siyasi məsələlər üzrə köməkçisi Əli Həsənov çıxışında Gənclər Fondunun yaradılmasının beşinci ildönümünün mühüm hadisə olduğunu bildirib. Qeyd edib ki, beş il ərzində ölkəmizdə gənclər siyasətinin həyata keçirilməsində, gənclərlə işin intensivləşdirilməsində, eləcə də ümummilli lider Heydər Əliyevin təməlini qoyduğu gənclər siyasətinin nəticələrinin əldə olunmasında Fondun mühüm rolu var.

Ölkəmizdə gənclər siyasətinin formalaşması və həyata keçirilməsi barədə məlumat verən Əli Həsənov deyib ki, Azərbaycanda digər sahələrdə olduğu kimi, gənclər siyasətinin formalaşması, bu siyasətin konsepsiyasının təməl prinsiplərinin müəyyənləşdirilməsi və həyata keçirilməsi ulu öndər Heydər Əliyevin adı ilə bağlıdır. Ulu öndər Heydər Əliyev 1993-cü ildə hakimiyyətə qayıdışından sonra ölkə qarşısında duran taleyüklü məsələlər sırasına gənclər siyasətini də əlavə etdi. Müstəqilliyin əvvəllərində Azərbaycanda dövlətə və dövlətçiliyə qarşı yönələn qüvvələr məhz gənclərdən istifadə edirdilər. Həmin qüvvələr gəncləri ayrı-ayrı düşərgələrə bölərək, onları hakimiyyət uğrunda mübarizəyə, müxtəlif ambisiyaların həyata keçirilməsinə cəlb etmişdilər. Belə bir dövrdə - 1993-cü ildə Ümummilli Lider Azərbaycanın xilası konsepsiyasına gənclər siyasətini də əlavə etdi. Təsadüfi deyil ki, 1994-cü ildə Ulu Öndərin yaratdığı ilk nazirlik Gənclər və İdman Nazirliyi oldu. Həmin dövrdən Azərbaycanda gənclər siyasəti formalaşdırıldı, 1996-cı ildən etibarən hər il Azərbaycan gənclərinin forumu keçirildi, gənclər siyasətində əsas prinsipləri, həyata keçirilməsi mexanizmləri müəyyən olundu və icra edildi.

Prezident Administrasiyasının rəsmisi bildirib ki, ulu öndər Heydər Əliyevin siyasətini uğurla davam etdirən Prezident İlham Əliyev gənclərlə işə dövlətin prioritet istiqamətlərindən biri kimi yüksək qayğı göstərərək, bu sahənin önəmini daha da artırıb. Prezident İlham Əliyevin təşəbbüsü ilə iki Dövlət Proqramının qəbul olunması, gənclər siyasətinin həyata keçirilməsi məqsədilə Gənclər Fondunun yaradılması bu sahəyə verilən yüksək diqqətin göstəricisidir.

Ümummilli lider Heydər Əliyevin Azərbaycan gəncliyinin fiziki cəhətdən sağlamlığına, vətənpərvərliyinə, yüksək intellektli və rəqabətə qabiliyyətli olmasına böyük diqqət yetirdiyini vurğulayan Əli Həsənov ölkəmizdə bu məqsədlə həyata keçirilən tədbirlərdən danışıb, Fondun bu istiqamətdə fəaliyyətinin müsbət nəticələr verdiyini bildirib. Bu gün Azərbaycanın intellektual, beynəlxalq rəqabətə davamlı, vətənpərvər gəncliyinin formalaşdığını qeyd edən Prezidentin köməkçisi deyib ki, aprel döyüşləri bunun nümunəsi oldu. Bu gün yüksək intellektli gənclərimiz müxtəlif transmilli şirkətlərdə uğurla fəaliyyət göstərirlər. Azərbaycanın xarici ölkələrdəki diplomatik korpuslarında fəaliyyət göstərən, bir neçə xarici dil bilən yüksək intellektli gənc diplomatlarımız formalaşıb. Beynəlxalq təşkilatlarda, transmilli şirkətlərdə çalışan, xaricdə təhsil alıb ölkəmizə qayıdan, elm və təhsil sahəsində nümunə olan, parlamentdə, məhkəmə-hüquq sistemində və digər dövlət qurumlarında fəaliyyət göstərən gənclərimiz var. Bu, onu göstərir ki, ümummilli lider Heydər Əliyevin və Prezident İlham Əliyevin həyata keçirdiyi gənclər siyasəti öz bəhrəsini verib. Gənclər siyasətini həyata keçirən mərkəzi və yerli icra qurumları bu sahədə gənclərlə birlikdə işləyir.

"Azərbaycanda həyata keçirilən gənclər siyasətinin nəticələri göz qabağındadır. Bütün bu işlərdə Gənclər və İdman Nazirliyinin, Gənclər Fondunun xüsusi yeri var. Əgər biz əvvəllər Olimpiya Oyunlarında bir-iki idmançımızın qalib gəlməsi ilə fəxr edirdiksə, sonuncu Olimpiadada 18 medal qazandıq və komanda hesabında dünyada ən yaxşı nəticələrdən birinə sahib olduq. Artıq Azərbaycan dünyada idman ölkəsi kimi tanınır. Bu da onu göstərir ki, Azərbaycanda gənclər və idman siyasəti müsbət nəticələrini verir”, - deyən Əli Həsənov bu uğurların əldə edilməsində əməyi olanlara və Fondun kollektivinə uğurlar arzulayıb.

Milli Məclisin gənclər və idman komitəsinin sədri Fuad Muradov qeyd edib ki, Fondun dəstəklədiyi və Bakı ilə yanaşı, regionları da əhatə edən layihələr gənclərin ölkəmizin ictimai-siyasi həyatında fəallıqlarını daha da artırıb.

Naxçıvan Muxtar Respublikası Ali Məclisinin Sədri yanında Gənclər Fondunun icraçı direktoru Məmməd Babayev çıxışında bildirib ki, bu gün Azərbaycan gəncliyi ictimai həyatın bütün sahələrində yüksək fəallığı ilə seçilir, mühüm tədbirlərin həyata keçirilməsində vacib rol oynayır. Azərbaycan dövlətinin bu sahədə yaratdığı geniş imkanlar sayəsində gənclər cəmiyyətin avanqard qüvvəsinə çevriliblər.

Yeni Azərbaycan Partiyası Gənclər Birliyinin sədri Seymur Orucov əsası ulu öndər Heydər Əliyev tərəfindən qoyulmuş dövlət gənclər siyasətinin Prezident İlham Əliyevin rəhbərliyi ilə uğurla reallaşdırılması nəticəsində müstəqil ölkəmizdə dinamik və vətənpərvər gəncliyin yetişdiyini qeyd edib.

Azərbaycan Respublikasının Prezidenti yanında Elmin İnkişafı Fondunun icraçı direktoru Elçin Babayev rəhbərlik etdiyi qurumla Gənclər Fondu arasında səmərəli əməkdaşlığın olduğunu vurğulayıb. E.Babayev ölkəmizdə gənclər siyasətinin həyata keçirilməsinə mühüm töhfə verən Fonda kollektivinə qarşıdakı illərdə də uğurlar arzulayıb.

Azərbaycan Respublikasının İnsan Hüquqları üzrə Müvəkkili (Ombudsman) Aparatının rəhbəri Aydın Səfixanlı da çıxışında Fondun beş illik fəaliyyətinin müsbət nəticələrini vurğulayıb, təmsil etdiyi qurumun adından kollektivinə təbriklərini çatdırıb.

Sonda Fondun elan etdiyi qrant müsabiqəsinin "C” və "D” kateqoriyaları üzrə qalibi olan gənclər məruzələrlə çıxış ediblər.









Oxunma sayı : 377

Loading...
SON XƏBƏRLƏR
Xaçmazda qasırğa - Binaların damı uçdu - 28 Aprel 2017, 14:12
Qalmaqallı aktrisanın 2 aylıq körpəsi xəstəxanada öldü: “Həkimlər edib” - 28 Aprel 2017, 13:45
DYP Salyan postundakı anarxiya - FOTOLAR - 28 Aprel 2017, 13:35
Dağlıq Qarabağda atəşkəsi pozan erməni əsgəri öldürüldü - 28 Aprel 2017, 13:22
Bu da "Bozbash pictures"in Ağsaqqalının biznesleydi və rəssam nişanlısı - FOTO - 28 Aprel 2017, 13:14
MSK partiyalarla bağlı geniş araşdırmalara başladı - 28 Aprel 2017, 13:12
Sabah yağış yağacaq - 28 Aprel 2017, 13:03
Şəhid polkovnikin xanımı: “Heç bir vəzifəyə təyinat almamışam” - 28 Aprel 2017, 13:00
"İnternational Medical Center" klinikasında doğulan körpə iki gün sonra öldü - 28 Aprel 2017, 12:28
Rusiyada azərbaycanlı iş adamı öldürüldü - 28 Aprel 2017, 12:08
Millimizin baş məşqçisi bukmekerdə 10 min uduzdu - FOTOFAKT - 28 Aprel 2017, 12:00
İranda baş verən zəlzələ Azərbaycanda hiss olundu - 28 Aprel 2017, 11:55
930 tələbənin diplomu tanınmadı - 28 Aprel 2017, 11:43
Mehriban Əliyeva Leyla Əliyevanın Moskvadakı sərgisində -FOTO - 28 Aprel 2017, 11:28
Azərbaycanda yol polisi maşının düşdüyü dəhşətli qəzanın görüntüləri - VİDEO - 28 Aprel 2017, 11:17
Dollardan qəfil bahalaşma - MƏZƏNNƏ - 28 Aprel 2017, 11:03
Ramil Usubov nazirin qardaşı oğluna vəzifə verdi - 28 Aprel 2017, 10:55
Bakıda tükürpədici hadisə: paltarı od tutub yandı və öldü - 28 Aprel 2017, 10:46
Bakıda milyarderin bahalı avtomobili satışa çıxarıldı-900 min manata - 28 Aprel 2017, 10:37
Həcc rekordu qıran deputatımız 29-cu dəfə, Hacı Əbdülün 7 yaşlı oğlu 3-cü dəfə ziyarətə gedir - 28 Aprel 2017, 10:27
Rəfiqəsinə qoşulub qaçdığı deyilən qızın atasından — Açıqlama - 28 Aprel 2017, 10:23
Azərbaycanlı oliqarx 8 nəfərin qətlində ittiham olundu - 28 Aprel 2017, 10:17
Şəhid polkovnik Raquf Orucovun xanımına vəzifə verildi - 28 Aprel 2017, 10:08
Azərbaycanın yeni ombudsmanı kim olacaq? - Elmira Süleymanovanın vaxtı bıtdi - 27 Aprel 2017, 23:33
Günayın keçmiş əri həbs olundu - 27 Aprel 2017, 23:27
Mariya Zaxarova Azərbaycan jurnalistlərini təhqir etdi: "Xamdılar" – VİDEO - 27 Aprel 2017, 23:16
Yasamalda sakinlərin evini söküb, jurnalistləri daşlayan biznesmen həbs edildi - 27 Aprel 2017, 23:07
Neft və Sənaye Universitetinin müəllimi oğru imiş - VİDEOSU YAYILDI - 27 Aprel 2017, 22:56
Məmur özbaşınalığından bezən sakinlər icra başçısının müavininin balıq gölünü dağıtdılar - 27 Aprel 2017, 22:45
Bir-birinə qoşulub qaçdığı deyilən qızlardan birinin valideyni danışdı: "Yalan məlumatdır" - 27 Aprel 2017, 18:43
"Məmurla heç vaxt sevgili olmaram, sevgilim tanınmış idmançıdır" - FOTOLAR - 27 Aprel 2017, 18:10
"3-4 qadın uşaq salıb, 10-15 kişi impotent olub" - Çovdarov sirləri açır - 27 Aprel 2017, 17:45
Bu küçələrdə rənglənmə işləri gedir - Sürücülərin nəzərinə - 27 Aprel 2017, 17:36
Azərbaycan və Ermənistan xarici işlər nazirləri görüşəcək - Tarix açıqlandı - 27 Aprel 2017, 17:33
Futbolda əlbəyaxa dava düşdü - VİDEO - 27 Aprel 2017, 17:26
Rusiyanın hərbi gəmisi "Aşot"la toqquşdu - 15 dənizçi itkin düşdü - 27 Aprel 2017, 17:07
179 şəhidimizin naməlum məzarı tapıldı - 27 Aprel 2017, 16:53
Bakıda qısamüddətli görüşlər üçün tanışlıq klubu yaradıldı - 27 Aprel 2017, 16:44
Bakıda avtobusda film kimi olay: 20 qəpiyə görə bıçaq çıxarıldı - 27 Aprel 2017, 16:43
"Beş mərtəbə" dairəsi ləğv olunaraq parka birləşdirildi — FOTO - 27 Aprel 2017, 16:36
Azərbaycanda əfv sərəncamına adı düşən şəxsin əvəzinə başqa məhkum azad edilib? - RƏSMİ AÇIQLAMA - 27 Aprel 2017, 16:32
Nəsimi Yol Polisində daha bir biabırçılıq: "Gecə sürücüləri saxlayıb, "avtoxuliqan" kimi həbs edirlər" - 27 Aprel 2017, 16:24
Röyanın məşhur çılpaq fotolarının gizlinləri: "Prinsipə girdi və ..." - 27 Aprel 2017, 16:12
Namus söhbətinə görə bacısını boğub öldürənə 9 il həbs - 27 Aprel 2017, 16:11
İslamiadaya neçə idmançımız qatılacaq? - AÇIQLANDI - 27 Aprel 2017, 15:50
Bütün xəbərlər >>


Ünvan: Bakı şəhəri, Zərifə Əliyeva küçəsi 32, Ofis 10
Bizim email ünvanımız: [email protected]
Əlaqə nömrəsi
012-493-13-65
077-270-01-10