14:59 çərşənbə, 13 Dekabr 2017
SİYASƏT

"İndi biz bunu deməyək?" - Zahid Oruc Ombudsmanı tənqid etdi

14:18, 07.03.20172443
Bacısının ərini və qayınatasını güllələdi - Bakıda kriminal
 
Milli Məclisin iclasında İnsan haqları üzrə müvəkkilin (Ombudsman) illik hesabatı müzakirə olunub.
 
APA-nın məlumatına görə, deputat Zahid Oruc Elmira Süleymanovanın  təqdim etdiyi hesabatı tənqid edib. O bildirib ki, insan haqları üzrə müvəkkilin səlahiyyət çərçivəsi hamıya məlumdur: "İlk dəfədir belə şablon, deklorativ bir sənəd bizə təqdim olunur. Biz problemləri deməsək, bu kursa səmimi xidmət etmiş olmarıq. Bu qədər konyukturaçılıq olmaz ki, bu cür tərif dolu sənəd ortalığa gətirək. Bu yaxınlarda DTX rəhbəri Mədət Quliyev açıqladı ki,  Azərbaycandan 900 nəfər Suriya, İraqda döyüşə gedib. Biz 2014-cü ildə qərar verdik ki, onları vətəndaşlıqdan məhrum edək. 84 nəfərə cinayət işi qaldırılıb. Nədir səbəb ki, bu insanlar oraya gedib, vuruşurlar? Bu sənəddə kredit borclarına görə evini itirən, məhkəmələrə düşən insanların davasını görmədim. Devalvasiya qərarı on minlərlə insanı məhkəmə qapılarında qoyub. İndi biz bunu deməyək? Narkotika tranziti hamıya məlumdur,  haradan gəldiyini  bilirik. Polis orqanları bunun qarşısını almasaydı, ağ ölüm bu milləti basıb yemişdi. Narkotika cəmiyyət üçün erməni təhlükəsinə  bərabərdir. Adamlar ailə üzvlərini haradasa girov qoyub, gedib ölkəyə narkotika gətirirlər. Bu yaxınlarda Ali Məhkəmənin üzvü də bununla bağlı Daxili İşlər Nazirliyinə xitabən çıxış etdi, hamımız şahidi olduq”.
0
XƏBƏR LENTİ