İntihar edən yazarın anasına yazdığı - MƏKTUB

16 Mart 2017, 17:23
AAA

Xəbər verdiyimiz kimi, bu gecə saat 02:00 radələrində tanınmış yazar Mövlud Mövlud özünü 17 mərtəbəli binadan ataraq intihar edib. AZXEBER.COM "Qafqazinfo.az”a istinadən yazarın bir neçə əlyazmasını oxuculara təqdim edir:

Əzab çəkirəm, aşkım!

Gözəl anam, biricik aşkım!

Niyə belə oldu? Kim idi günahkar? Kimlər idi bütün bu baş verənlərin səbəbkarı?

Hardan, necə, kimdən başlayacağımı bilmirəm. 1993-cü ildə Etibar Məmmədovun Elçibəyə oxuduğu "Qətnamə”dənmi?

2000-ci ildə Əbülfəz bəy Türkiyədə can çəkişərkən onun xəstəliyi ilə bağlı ən iyrənc şayiələr yayanlardanmı?

Atamın gözümüzün qabağında sənin başını həyət darvazasına çırpmağındanmı?!

***

Axır ki "zəhmət”im bəhrəsini verdi. Budur, artıq böyrəklərim sözümə baxmır. "UZİ”yə düşdüyüm gün həkim üzünü mənə tutub "qaqam, deyəsən, "vurmaq”la aran yaxşıdı”, - demişdi. Onda sən əllərini dizinə çırpıb "Allah, məni öldür”,- deyəndə utandım. Çox utandım. 23 illik avara və sərgərdan həyatımda sənə bir xoş gün yaşatmamışam. Ömrün boyu bu "ciqan” oğlunun üstündə tənə eşidib, göz yaşı tökmüsən. Müəllimlərim, qonşular, qohumlar, tanış-biliş - hamı məndən sənə şikayət edib.

Yadındamı? Bir dəfə evə dəm gəlmişdim. Mətbəxin qapısında, əlin qoynunda dayanıb mənə baxmağını hələ də unuda bilmirəm. Baxışlarından "nə olacaq balamın axırı?” oxunurdu.

Gərək məni bağışlayasan, mamaşa! Sənə nümunəvi oğul ola bilmədim, bir xoş gün yaşada bilmədim. Təzə-təzə içməyə başlayanda məni qabağına qoyub, "atanızdan çəkdiklərim bəsdir, sən də içsən, yazıq olaram” demişdin. Yalvarmışdın mənə, içməyim deyə.

Uşaqlıq əhvalatlarını unuda bilmirəm; evdəki dava-şavalar, aşırılan stollar, qırılan qab-qaşıq, ağlaşmalar...

Atam evə yenə sərxoş gəlmişdi. Bir bəhanə tapıb səni döydü. Saçlarından sürüyüb həyətə çıxarmağı, atanın goruna söyə-söyə başını həyət qapısına döyməyi indi də gözümün qabağına gələndə tıncıxıram.

O gündən kəkələməyə başladım, indi də o səhnə gözümün önünə gələndə bütün bədənim əsir. Mən o günü heç vaxt unutmayacam, mamaşa!

Qohumlarımız mənim pis oğul olduğumu deyirlər. Mənə görə utanırsan, bilirəm. Hər dəfə qohum əqrəbaların evindən gələndə bir yığın "ultimatum”la gəlirsən: "Mövluda de araqdan yazmasın”, "Mövluda de, müxalifətçilərlə oturub-durmasın”, "Mövluda de içməsin”…

Nadan yığınına fikir vermə, gözəl qadın! Sənin oğlun dərdli adamdı. Hələ də bu üzüboz şəhər onun həssaslığından bir qırıq qopara bilməyib. Hələ də ayağı qırılmış at üçün səhərə qədər ağlaya bilərəm.

Sən canın dəymə, qoy bu gün içim, qurban olum sənə, gözəl anam.

***

Əvvəllər yazılarımı kəsib saxlayırdın. Amma indi əksinə, onları it-bata salırsan ki, atamın əlinə keçməsin. Deyirsən, tərbiyəsiz yazıram - "Araq belə gəldi, nəşə belə getdi.” Yaxşı, bir də yazmaram. Sənə qurban olaq - mən də, yazılarım da...

Qoy bunu da içim, daha içməyəcəm.

Məndən narahatsan, bilirəm. Mənə görə çox qorxursan. Üstümdə əsirsən. Qorxma, mamaşa, qorxma, Allah sənə görə dəyməz mənə.

Saçın tökülür, ağarır, üzün qırışır, gözlərindən kədər yağır. Hər dəfə sənin gözlərinə baxanda elə bilirəm ayaqlarımı, əlimi bədənimdən kəlbətinlə dartıb çıxarırlar. Əzab çəkirəm, aşkım, əzab çəkirəm! Dəymə, sən canın, qoy bu gün bir az içim.

Atamla sevib evlənmisiniz. Bilirəm, bu yaşınızda da bir-birinizi Leyli-Мəcnun kimi sevirsiniz. Səni həm sevən, həm də əzab verən atamın üstündə bütün qohum-əqraba səni danlasa da içən, dalaşqan bir kişiyə getdiyinə görə suçlasa da, sən yenə öz sevgilinin namını heç kimə vermədin.

***

Öhö...öhö...öhö... Yaxşı, boynuma alım, siqaret çəkirəm. Amma atacam, а tova atacam, narahat olma, ömrüm-günüm, gəl öpüm, gəl, qurban olum, mənim biricik aşkım.

Yaxşı, sil gözünün yaşını, get, yat. Mən də indi gedirəm yatmağa...

***

Hamının günahı var, hamının! Qətnaməni "Fatihə” kimi oxuyanlardan tutmuş, "Fatihə”ni Qətnamə kimi oxuyanlara... Hamının günahı var!


Oxunma sayı : 40879

Loading...
SON XƏBƏRLƏR
İlin ən seksual xanımı seçildi - fotolar - 24 May 2017, 23:11
Azərbaycan Beynəlxalq Bankı mükafatlandırılıb - 24 May 2017, 22:45
Azərbaycanın bu yolunda maşınlar öz-özünə hərəkət edir - VİDEO - FOTO - 24 May 2017, 22:12
Messi həbs cəzasına məhkum edildi - 24 May 2017, 21:39
Suriya ordusu ABŞ-ın vurduğu aviabazanı yenidən istifadəyə verir - 24 May 2017, 20:38
Xocalı aerportundan uçuş olsa, Azərbaycan hansı addım atacaq? - AÇIQLAMA - 24 May 2017, 20:30
Türkiyədən Rusiyaya QADAĞA - 24 May 2017, 19:37
Yeni vəzifəyə təyin olunan Əli Abbasovdan AÇIQLAMA - YENİLƏNİB - 24 May 2017, 19:01
Maşallah Əhmədovun İrandan gətirdiyi daşlara baxış keçiriləcək - 24 May 2017, 18:39
Sankt-Peterburqda metro stansiyası bağlandı - BOMBA TƏHLÜKƏSİ - 24 May 2017, 17:51
Maşallah Əhmədov: "Adam kişi olar" - 24 May 2017, 17:45
Bakı bulvarında faciə: dənizdən çıxarıb dəlixanaya apardılar - 24 May 2017, 17:15
Dolların mayın 25-nə olan məzənnəsi - 24 May 2017, 17:10
“Bakı-2017”: dünyaya idman dili ilə ötürülən sülh, tolerantlıq və həmrəylik mesajları - 24 May 2017, 17:03
“Fiziki imkanları məhdud gənclərin inteqrasiyasına dəstək” layihəsi başa çatdı - 24 May 2017, 16:59
Bakıda Penitensiar Xidmətin avtomobili qəzaya düşdü - 24 May 2017, 16:44
Azərbaycanda 1 500 000 manata hotel satışa çıxarıldı - 24 May 2017, 16:42
Bankın önündə özünü yandıran şəxsin FOTOSU - 24 May 2017, 16:19
Yayda keçiriləcək qəbul imtahanlarına 62028 abituriyent qatılacaq - 24 May 2017, 16:17
Qəbul imtahanında az bal yığan abituriyent intihar etdi - Azərbaycanda ŞOK OLAY - 24 May 2017, 15:33
İnternetin qiyməti ucuzlaşacaq? - AÇIQLAMA - 24 May 2017, 15:22
Aygün Bayramova oxudu, əri isə udda çaldı - Video - 24 May 2017, 15:21
Ankarada qətliam hazırlayan Qusar sakini haqda şok faktlar- arvadını da özü ilə aparıbmış - 24 May 2017, 14:50
"Porsche Ağəli"nin xalası oğlu - "Brat, bizə icazə var"... -VİDEO - 24 May 2017, 14:33
“Lotu Yusif”ə 17 il həbs cəzası verildi - “Hamı məndən qorxsun” - 24 May 2017, 13:57
Sürücülərin diqqətinə: Bu yolda 250 manat cərimə oluna bilərsiz – VİDEO - 24 May 2017, 13:44
Nazirlik Azərbaycanda tədris ilinin artırılmasını təklif etdi - 24 May 2017, 13:35
Azərbaycanlı qadınları Türkiyədə satan məhkəmə qarşısında - 24 May 2017, 13:24
Əli Abbasova yeni vəzifə verildi - 24 May 2017, 12:44
"İftardan əvvəl məclislərdə iştirak edən imam və axundlar işdən çıxarılacaq” - QMİ sədri - 24 May 2017, 12:32
İcra başçısı müdiri işdən çıxardı - 24 May 2017, 12:21
"Şopinq Festivala 700 min xərclədik, 5,6 milyon gəldi" - Nazir - 24 May 2017, 11:57
Evi əlindən alınan şəxs bankın qarşısında özünü yandırdı - FOTOLAR - 24 May 2017, 11:48
“Qarabağ” İtaliyanın “Messisi”ni alır: əməkhaqqı 900 min avro - 24 May 2017, 11:42
Ramil Usubovdan yeni təyinat - 24 May 2017, 11:22
Keçmiş arvadının evini yandıran ər: “Həmişə içkili oluram, davay dasvidaniya!” – VİDEO - 24 May 2017, 11:16
Cinsiyyət orqanını kəsib tualetə atdı - "Qadın olmaq istəyirəm" - 24 May 2017, 11:12
Kəbirə Məmmədovanın bacısının evi yandı - Ölən var - 24 May 2017, 10:58
Bu ilin Ramazan təqvimi - 24 May 2017, 10:52
Bakıda oğuldan anasına qarşı İYRƏNC ƏMƏL - 24 May 2017, 10:41
Tanınmış cərrah niyə həbs edilib? - RƏSMİ MƏLUMAT - 24 May 2017, 10:38
Bakıda silahlı insident - Yaralı var - 24 May 2017, 10:25
Bakıda polis motosikleti maşınla toqquşdu - Yaralı var - 24 May 2017, 10:20
Tanınmışlar məşhur jurnalistin toyuna toplaşdı - FOTOLAR - 24 May 2017, 00:11
Müğənni Abbas ikinci dəfə evləndi - Gəlinsiz toy etdi (VİDEO) - 23 May 2017, 23:55
Bütün xəbərlər >>


Ünvan: Bakı şəhəri, Zərifə Əliyeva küçəsi 32, Ofis 10
Bizim email ünvanımız: azxeber@mail.ru
Əlaqə nömrəsi
012-493-13-65
077-270-01-10