“Rus “çinovnik”i görən kimi ekstaza gəlib” - Arif Rəhimzadəyə sərt cavab

07 Mart 2017, 13:18
AAA
 
Elçin Mirzəbəyli 

Adamlar yorulublar... 

26 illin müstəqilliyi şüurlarındakı "sovet adamı” pasını təmizləyə bilməyib. 26 il üçrəngli bayrağın kölgəsində mütgüləyib "sovet adamı” kimi oyanıblar. O bayrağın rənglərinin, o rənglərin ifadə etdiyi və müstəqil Azərbaycanın strateji hədəflərini nişan verən milli məfkurəmizin fərqinə belə varmayıblar... Onlara görə Azərbaycan hansısa təbii fəlakət nəticəsində materikdən ayrılan torpaq parçası olub. Və gözləyiblər ki, nə zamansa başqa bir təbii fəlakət baş verəcək və bu torpaq parçası geosiyasi dalğaların təsiri altında yenidən doğma materikinə doğru üzməyə başlayacaq. Bu səbəbdən də bir rus "çinovniki” görən kimi çiçəkləri çırtlayıb, damarları atıb, ekstaza gəliblər. Bir rus jurnalisti görən kimi "İsvestiya”, "Pravda” qəzetlərinin müxbirləri gəlib gözlərinin önünə... Ona görə də özününkülərin yanında özləri kimi danışmağa başlayıblar: Baxın a, biz onlardan deyilik, biz başqayıq... Biz çar imperiyasının, bolşevik Rusiyasının, Stalin konstitusiyasının "şinel”indən çıxmışıq. 

Belələrini o qədər görmüşəm ki... Təəccüblənmirəm. 

Bir tanışım var, sözünü kəsən olmasa saatlarla danışar... 

Mənasız, məzmunsuz cümlələri ard-arda düzür, dünyanın xəritəsini yenidən cızır və bütün bu mənasız, məzmunsuz çıxışlarının sonunu "köpək oğlunun rusu, görürsən neylədi?” deyimi ilə bitirir... Təbii ki, tanışım siyasi terminalogiyasında yer alan "köpək oğlu” sözünü təhqir kimi dilə gətirmir. Bu, sadəcə onun ən sevimli sözüdü. Heyran qaldığı nə, yaxud kim varsa bu sözlə vəsf edir. Əllərini ununu təmizləyirmiş kimi bir-birinə çırpıb "köpək oğlun filankəsi, bacarır da” deyir və elə içdən qəhqəhə çəkir ki, sanki ən yaxın adamının uğuruna sevinir. Yaxşı xatırlayıram, Rusiya Şimali Osetiya və Abxaziyaya əl qoyanda da, Krımı ilhaq edəndə də eyni qəhqəhəni çəkmişdi və təbii ki, əllərinin "ununu” təmizləməyi unutmadan... 
Əziz oxucum, ola bilsin ki, belələri ilə siz də qarşılaşmısınız. 

...Bu yazını oxuyanların arasında da belələri ola bilər. Bəlkə də oxuyub özlərini görəcəklər və əllərini bir-birinə çıxrpıb, "köpək oğlunun... bəhmankəsi gör nə yazır e” deyəcəklər. Amma bu "köpək oğlu” o "köpək oğlu”ndan olmayacaq. Buna əminəm...

Lənət şeytana, çox uzaqdan başladım. Əslində Arif Rəhimzadənin son günlər ciddi müzakirələrə səbəb olan açıqlaması haqqında yazmaq istəyirdim. Doğrusu bilmirəm Arif müəllim rus müxbirlə dərdləşəndə hər zaman olduğu kimi, "ki” bağlayıcısını "kın” kimi ifadə edib, ya yox. Hərçənd ki, rus dilində "ki” bağlayıcısı başqa cür səslənir. Məsələn, "potomu çto” əvəzində "potomu ki”, yaxud "potomu kın” demək münkün deyil. Bəlkə də deyib və rus müxbir də bunu inkaredici söz önü bağlayıcısı kimi başa düşüb və başa düşdüyü kimi də yazıb. Bu, şübhəsiz ki, mənim fərziyəmdi. Amma ortalıqda fərziyə deyil, real fakt var. Arif Rəhimzadə deyir ki, "biz türk deyilik, azərbaycanlıyıq”. Yəni qüzeyli-güneyli 50 milyonluq Azərbaycan türklərinin adından çıxış edir. Etiraz doğuran da elə budur. Əgər Arif müəllim "mən türk deyiləm, azərbaycanlıyam” desəydi ən azından mən bu yazını yazmayacağdım. Ola bilsin ki, Goranboyda, Neftçalada, yaxud Masallıda yaşayan Məmməd, Əli, Fatma, Gülxanım da Arif Rəhimzadə kimi düşünür. Amma Təbrizdə, Urmiyədə, Zəncanda və bütövlükdə Azərbaycan adlanan coğrafi ərazinin 90-95 faizində yaşayan Azərbaycan türklərinin onun kimi düşünmədiyini bilirəm. Dövlət dilinin fars dili olduğu bir ölkədə fars-molla rejiminin xeyir-duası ilə parlamentdə təmsil olunan bir deputat kürsüyə çıxıb türk dilinin tədrisini, Azərbaycan türklərinin haqlarının tanınmasını tələb edir, dövlət dilinin Azərbaycan (türk) dili olduğu bir ölkənin deputatı isə "biz türk deyilik, azərbaycanlıyıq” deyir. Yer ayrılsa da Yerə girsək bundan yaxşıdır. O taydan 40 milyon Azərbaycan türkünün gözü bizdədir. Bayrağımızı öz bayraqları, dövlətimizi öz dövlətləri bilirlər. İndi bu 40 milyonluq bir toplum görəndə ki, biz milli kimliyimizi belə inkar edirik, nə düşünəcəklər haqqımızda? Dünyanın 4 bir yanına səpələnən Azərbaycan türkləri nə deyəcəklər bizə? Azərbaycan diasporunun 90 faizini Güney Azərbaycandan olan soydaşlarımız təşkil edir. Onlar özlərinə "Azərbaycan türkü” deyirlər... İndi onlara nə deyək? Deyək ki, biz "türk deyilik, azərbaycanlıyıq...”

Bəs hər addımda Azərbaycanın və onun Qarabağ uğrunda verdiyi mücadiləsinin, milli davamızın yanında olan Türkiyə türklərinə nə cavab verək, Arif Rəhimzadə? Deyək ki, biz "bir millət iki dövlət” deyəndə sizin də azərbaycanlı olduğunuzu düşünürük?! İndi sizin "sovet adamı”na xas beyniniz strateji düşünməyi bacarmırsa, bu, sizə irad tutanların problemi deyil... Arqument bitəndə şantaja keçmək... Ayıbdır, vallah... 

Sizə irad tutanlara "Xalq Cəbhəsinin tör-töküntüləri” deyirsiniz... Xatırladım ki, ünvanınıza səslənən iradları qismən də olsa yumşaltmağa, sizi bu vəziyyətdən çıxarmağa çalışan deputat həmkarınız və mənim çox böyük hörmət bəslədiyim Çingiz Qənizadə də Milli Azadlıq Hərəkatının və Xalq Cəbhəsinin aparıcı şəxslərindən biri olub...

Elə mən də milyonlarla Azərbaycan vətəndaşı kimi Milli Azadlıq Hərəkatının iştirakçısıyam. Amma Xalq Cəbhəsinin üzvü olmamışam, 1990-cı ilin yanvarından 1999-cu ilin sonunadək heç bir siyasi prosesdə iştirak etməmişəm. Vaxtilə Xalq Cəbhəsinin rəhbərliyində təmsil olunan şəxslərdən bir çoxunun mövqeyini bölüşmürəm və Azərbaycanın inkişafı üçün ziyanlı hesab edirəm. Unutmayın ki, Xalq Cəbhəsi Milli Azadlıq Hərəkatının dalğasında yaranmışdı və hərəkata rəhbərlik edirdi. Həmin dövrdə Xalq Cəbhəsinə qoşulan insanlar Qarabağ və Azərbaycanın müstəqilliyi uğrunda mübarizə aparırdılar. Xalq Cəbhəsinin sıralarında təmsil olunan minlərlə insan Azərbaycanın müstəqilliyi və ərazi bütövlüyü uğrunda şəhid olub. Onlara da "tör-töküntü” deyirsiniz?  Bu gün YAP da daxil olmaqla müxtəlif siyasi partiyalarda, elm və təhsil müəssisələrində, kütləvi informasiya vasitələrində, dövlət qurumlarında və sizin də təmsil olunduğunuz parlamentdə vaxtilə Xalq Cəbhəsinin üzvü olmuş minlərlə insan fəaliyyət göstərir, Azərbaycanın rifahı və inkişafı uğrunda fədakarlıq nümayiş etdirirlər. Onlar da "tör-töküntü”dür? Sizə elə gəlmir ki, artıq konkret faktlarla danışmağın, proseslərə konkret zaman kəsiyindən, fərdi müstəvidə yanaşmağın zamanı çoxdan yetişib? Artıq kütləvi qaralama kampaniyaları effekt vermir, yaxud əks effekt verir. Sizə elə gəlmir ki, siz və sizinlə eyni təfəkkürü bölüşənlər müasir dövrün çağırışlarına cavab verə bilmirsiniz və öz davranışlarınızla bu ölkəyə daha çox ziyan vurursunuz?

Başa düşmürsünüz ki, indi birlik, həmrəylik vaxtıdır! 

Son 1 il ərzində Sizin və bəzi həmkarlarınızın açıqlamalarını sıraya düzürəm və təəssüf ki, arzu etmədiyim bir mənzərə yaranır. Siz bu ölkədə aparılan və aparılması nəzərdə tutulan islahatların, keçid prosesi üçün qaçılmaz olan bəzi çətinliklərin izahını vermək iqtidarında deyilsiniz. Sadəcə qaşınmayan yerdən qan çıxarırsınız, vəssalam. Susun barı... Susun ki, Vətən qazansın!  

Oxunma sayı : 1049

SON XƏBƏRLƏR
Bakıda avtoxuliqan saxlanıldı: 750 manat cərimə – FOTO - 17 Noyabr 2017, 21:59
"FETÖ"nun dinlədiyi insanlar arasında Tarkanın da adı var - 17 Noyabr 2017, 21:40
Azərbaycan-Bosniya və Herseqovina işgüzar görüşü keçirilib - 17 Noyabr 2017, 21:14
Məhkumlar üçün yeni məscid tikilib - FOTO - 17 Noyabr 2017, 21:10
Son dəqiqə! Hövsanda torpaq sürüşməsi, dağıntı altında qalanlar var - Yenilənir - 17 Noyabr 2017, 20:44
Azərbaycanda əhalinin nominal gəlir səviyyəsi- AÇIQLANDI - 17 Noyabr 2017, 20:39
"Aİ-95" və “Ai-98” benzin bahalaşdı - RƏSMİ - 17 Noyabr 2017, 20:37
“WhatsApp”da yeni funksiya sınaqdan keçirilir - 17 Noyabr 2017, 20:16
Bakı Olimpiya Stadionunda kütləvi dava - 17 Noyabr 2017, 19:51
Benzinin və dizelin qiyməti bu gecə bahalaşacaq? — RƏSMİ AÇIQLAMA - 17 Noyabr 2017, 19:35
Dünyada ilk dəfə insan başının transplantasiyası həyata keçirilib - 17 Noyabr 2017, 19:17
Bakıda yeni televiziya qülləsinin istifadəyə veriləcəyi TARİX - 17 Noyabr 2017, 18:59
NATO təlimində Ərdoğan və Atatürk təhqir edildi — QALMAQAL - 17 Noyabr 2017, 18:35
Azərbaycan Prezidenti latviyalı həmkarını təbrik etdi - 17 Noyabr 2017, 18:17
Azərbaycanda 5 bal gücündə zəlzələ oldu - 17 Noyabr 2017, 17:55
Bakıda həkim daha iki kişini impatent etdi: Təbriz Mehr klinikasının qurbanları artır - 17 Noyabr 2017, 17:48
Hazırlığa gedən 10 yaşlı qıza binanın qapıçısı təcavüz etdi: "Balaca arvadım olarsanmı?" - 17 Noyabr 2017, 17:45
2018-ci il kimlərə xoşbəxtlik gətirəcək? - Şərq təqvimi üzrə proqnoz - 17 Noyabr 2017, 17:36
Sabah Bakının bu hissəsində işıq olmayacaq - 17 Noyabr 2017, 17:31
Peterburqda həyəcan: 21 məktəb boşaldıldı - 17 Noyabr 2017, 17:31
Ərdoğan: Son terrorçu məhv edilənə qədər... - 17 Noyabr 2017, 17:22
"Barselona" Arda Turanı satır: "Onu heyətdə istəmirik" - 17 Noyabr 2017, 17:06
Gəncədə məktəbli qıza qarşı nalayiq hərəkət - 45 yaşlı kişi avtobusda... - 17 Noyabr 2017, 16:58
Müəllimi borca görə işdən qovdular – “Özbaşınalığa etiraz edirdim…” - 17 Noyabr 2017, 16:20
"Məni belə görmək sizə xoş olmaz" - Fuad Poladov - 17 Noyabr 2017, 16:15
Soyunub qazanan qadınlar pullarını göstərir - FOTO - 17 Noyabr 2017, 16:11
Türkiyədə ölən tələbənin meyiti Azərbaycana gətirildi - FOTO - 17 Noyabr 2017, 15:54
“Kontakt Home”un daha bir dələduz əməli ifşa olundu - FOTO - 17 Noyabr 2017, 15:42
NIKOIL | Bank ipoteka faizlərini 7%-dək azaltdı - 17 Noyabr 2017, 15:12
Polis sevgilisi ilə qaçan qız özünü niyə öldürüb? - FOTO - 17 Noyabr 2017, 14:43
Gey iddiasına cavab: "Hətta anan da bunun yanlış olduğunu bilir" - 17 Noyabr 2017, 14:36
Bakıda ərəblə azərbaycanlı qızın dəbdəbəli toyu: gəlini qızılı "Rolls Royce"la apardı (VİDEO) - 17 Noyabr 2017, 14:34
Evlərə niyə hələ də istilik verilmir? - VİDEO - 17 Noyabr 2017, 14:18
Sürücülər söhbətə görə cəzalandırılmayacaq - Parlament qərar verdi - 17 Noyabr 2017, 14:09
Bakıda evi uçurulan şəxs özünü doğradı: "Mənim evimi niyə sökdünüz?" (VİDEO) - 17 Noyabr 2017, 13:57
“Pulu verən sizsiniz” - Spiker deputata irad bildirdi - 17 Noyabr 2017, 13:52
Yol polisinə çətin anlar yaşadan məmur oğlu Elvin kimdir? - FOTO - 17 Noyabr 2017, 13:23
“ Rasim Balayevin xəstəliyi məsələsi diqqətdə saxlanılacaq” - Oqtay Əsədov - 17 Noyabr 2017, 13:13
“ Artur Rasi-zadə bizə cavab vermir”- Deputatdan etiraz - 17 Noyabr 2017, 12:47
Azərbaycanlı gənclər “Yetənək sizsiniz”də izləyiciləri təəccübləndirdi - VİDEO - 17 Noyabr 2017, 12:42
Abutalıbovun səlahiyyətləri niyə "iflic" edilir? - İlin sonuna kimi postu ilə vidalaşa bilər - 17 Noyabr 2017, 12:20
Azərbaycanlı tələbə Türkiyədə faciəvi şəkildə öldü - 17 Noyabr 2017, 12:14
Nazirlikdən açıqlama: 3 gün ərzində hava necə olacaq? - 17 Noyabr 2017, 11:37
Azərbaycanlı gənc Rusiya meşəsində ölü olaraq tapıldı - 17 Noyabr 2017, 11:24
Zaur Kamal 7-ci sinif şagirdinə elçi getdi - VİDEO - 17 Noyabr 2017, 11:18
Bütün xəbərlər >>


Ünvan: Bakı şəhəri, Zərifə Əliyeva küçəsi 32, Ofis 10
Bizim email ünvanımız: [email protected]
Əlaqə nömrəsi
012-493-13-65
077-270-01-10