Bu gün hava necə olacaq?

Oxunma sayı : 598
A A A
Bakıda və Abşeron yarımadasında bazar günü də havanın fasilələrlə yağıntılı olacağı, sulu qar, qar yağacağı gözlənilir. Bu barədə şənbə günü Ekologiya və Təbii Sərvətlər Nazirliyinin Milli Hidrometeorologiya Departamentindən məlumat veriblər.

Paytaxtda və yarımadada mülayim şimal-şərq küləyi əsəcək, havanın temperaturu gecə 0-2 dərəcə şaxta, gündüz 1-4 dərəcə isti olacağı gözlənilir.

Həftənin son günlərində ölkə ərazisində qeyri-sabit hava şəraitinin davam edəcəyi, fasilələrlə yağıntılı olacağı, sulu qar, qar yağacağı gözlənilir.

Ölkənin regionlarında havanın arabir yağıntılı olacağı, sulu qar, dağlıq və dağətəyi rayonlarda qar yağacağı gözlənilir. Qərb küləyi əsəcək, ayrı-ayrı yerlərdə arabir güclənəcək, havanın temperaturu gecə 3 dərəcə şaxtadan 2 dərəcəyədək isti, gündüz 4-8 dərəcə isti, dağlarda gecə 8-13 şaxta, gündüz 0-5 dərəcə şaxta olacaq.

Yüksək dağlıq ərazilərdə havanın minimal temperaturu 13-18° şaxta olacağı gözlənilir.




Ünvan: Bakı şəhəri, Bəşir Səfəroğlu küçəsi 173
Bizim email ünvanımız: [email protected]
Əlaqə nömrəsi
012-594-25-57
055-555-40-59